1ܦܵܘܠܘܿܣ؛ ܩܸܪܝܵܐ ܫܠܝܼܚܵܐ ܕܝܼܫܘܿܥ ܡܫܝܼܚܵܐ؛ ܒܪܸܙܵܝܹܗ ܕܐܲܠܵܗܵܐ؛ ܘܣܘܼܣܬܹܢܝܼܣ ܐܵܚܘܿܢܵܐ؛ 2ܠܥܹܕܬܵܐ ܕܐܲܠܵܗܵܐ ܕܝܼܠܵܗ̇ ܓܵܘ ܩܘܼܪܲܢܬܘܿܣ؛ ܩܸܪܝܹܐ ܩܲܕܝܼܫܹ̈ܐ؛ ܕܒܝܼܫܘܿܥ ܡܫܝܼܚܵܐ ܡܩܘܼܕܫܹܐ؛ ܥܲܡ ܟܠܵܝܗܝ ܐܵܢܝܼ ܕܩܵܪܝܼ ܫܸܡܹܗ ܕܡܵܪܲܢ ܝܼܫܘܿܥ ܡܫܝܼܚܵܐ ܒܟܠ ܕܘܼܟܵܐ؛ ܕܝܼܵܝܗܝ ܘܕܝܲܢ؛ 3ܫܵܦܵܩܲܬ ܥܲܡܵܘܟܼܘܿܢ ܘܫܠܵܡܵܐ؛ ܡ̣ܢ ܐܲܠܵܗܵܐ ܒܵܒܲܢ ܘܡ̣ܢ ܡܵܪܲܢ ܝܼܫܘܿܥ ܡܫܝܼܚܵܐ. 4ܫܵܟܘܿܪܹܐ ܝܘܸܢ ܠܐܲܠܵܗܝܼ ܒܟܠ ܙܲܒܼܢܵܐ ܣܵܒܵܒ ܕܝܼܵܘܟܼܘܿܢ؛ ܕܫܵܦܵܩܲܬ ܕܐܲܠܵܗܵܐ ܕܦܸܫܠܵܗ̇ ܝܘܼܗَܒܼܸܠܬܵܐ ܐܸܠܵܘܟܼܘܿܢ ܒܝܼܫܘܿܥ ܡܫܝܼܚܵܐ؛ 5ܕܒܟܠ ܗَܘܹܐܠܵܘܟܼܘܿܢ ܕܵܘܠܲܬܡܲܢܕ ܒܝܹܗ؛ ܒܟܠ ܗܲܡܙܲܡܬܵܐ ܘܒܟܠ ܝܕܹܥܬܵܐ؛ 6ܗܲܪ ܐܲܝܟܼ ܕܣܵܗܕܘܼܬܹܗ ܕܡܫܝܼܚܵܐ ܦܸܫܠܵܗ̇ ܡܘܼܩܘܝܼܬܵܐ ܒܝܼܵܘܟܼܘܿܢ؛ 7ܗܲܕܟܼܵܐ ܕܠܹܐ ܝܬܘܿܢ ܒܵܨܘܿܪܹ̈ܐ ܒܚܕܵܐ ܡ̣ܢ ܚܲܠܥܲܬܹ̈ܗ؛ ܟܲܕ ܒܸܣܦܵܪܵܐ ܝܬܘܿܢ ܠܓܸܠܝܵܢܹܗ ܕܡܵܪܲܢ ܝܼܫܘܿܥ ܡܫܝܼܚܵܐ؛ 8ܗ̇ܘ ܕܒܸܬ ܡܲܩܘܹܐ ܠܵܘܟܼܘܿܢ ܗܲܠ ܚܲܪܬܵܐ؛ (ܕܗܵܘܝܼܬܘܿܢ) ܕܠܵܐ ܠܲܟܵܐ ܒܝܵܘܡܹܗ ܕܡܵܪܲܢ ܝܼܫܘܿܥ ܡܫܝܼܚܵܐ. 9ܡܗܘܼܡܢܵܐ ܝܠܹܗ ܐܲܠܵܗܵܐ؛ ܕܒܐܝܼܕܹܗ ܦܸܫܠܵܘܟܼܘܿܢ ܩܸܪܝܹܐ ܠܫܵܪܝܼܪܘܼܬܵܐ ܕܒܪܘܼܢܹܗ ܝܼܫܘܿܥ ܡܫܝܼܚܵܐ ܡܵܪܲܢ. 10ܐܵܕܝܼܵܐ ܦܲܪܦܘܼܠܹܐ ܝܘܸܢ ܒܝܼܵܘܟܼܘܿܢ؛ ܐܵܚܘܿܢܘܵܬܝܼ̈؛ ܒܫܸܡܹܗ ܕܡܵܪܲܢ ܝܼܫܘܿܥ ܡܫܝܼܚܵܐ؛ ܕܟܠܵܘܟܼܘܿܢ ܗܲܪ ܚܲܕَ ܡܸܢܕܝܼ ܗܲܡܙܸܡܝܼܬܘܿܢ؛ ܘܠܵܐ ܗܵܘܝܼ ܓܵܘܵܟܼܘܿܢ ܕܘܼܒܵܪ̈ܘܼܝܵܬܹܐ؛ ܐܸܠܵܐ ܕܦܵܝܫܝܼܬܘܿܢ ܡܘܼܟܡܸܠܹܐ ܡܸܚܕܵܕܹ̈ܐ ܒܚܲܕَ ܚܝܼܵܠ ܘܒܚܲܕَ ܚܘܼܫܵܒܼ. 11ܣܵܒܵܒ ܕܦܸܫܠܹܗ ܡܘܼܕܸܥܝܵܐ ܐܸܠܝܼ ܒܵܗَܣܵܘܟܼܘܿܢ؛ ܐܵܚܘܿܢܘܵܬܝܼ̈؛ ܡ̣ܢ ܒܲܝܬܵܐ ܕܟܠܵܐܹܐ؛ ܕܡܲܩܲܪܵܨܘܼܝܵܬܹܐ ܐܝܼܬ ܓܵܘܵܘܟܼܘܿܢ. 12ܝܲܥܢܹܐ ܐܵܗܵܐ ܒܹܐܡܵܪܵܐ ܝܘܸܢ؛ ܕܟܠ ܚܲܕَ ܡܸܢܵܘܟܼܘܿܢ ܟܹܐ ܐܵܡܸܪ؛ ܐܵܢܵܐ ܕܦܵܘܠܘܿܣ ܝܘܸܢ؛ ܘܐܵܢܵܐ ܕܐܵܦܲܠܘܿ؛ ܘܐܵܢܵܐ ܕܟܹܐܦܵܐ؛ ܘܐܵܢܵܐ ܕܡܫܝܼܚܵܐ. 13ܦܘܼܠܸܥܝܵܐ ܝܠܹܗ ܡܫܝܼܚܵܐ؛ ܝܲܢ ܦܵܘܠܘܿܣ ܦܸܫܠܹܗ ܙܩܝܼܦܵܐ ܡܒܵܕܵܠܵܘܟܼܘܿܢ؛ ܝܲܢ ܒܫܸܡܹܗ ܕܦܵܘܠܘܿܣ ܥܡܸܕܠܵܘܟܼܘܿܢ؛ 14ܫܵܟܘܿܪܹܐ ܝܘܸܢ ܠܐܲܠܵܗܵܐ؛ ܕܠܐَܢܵܫܵܐ ܡܸܢܵܘܟܼܘܿܢ ܠܵܐ ܡܘܼܥܡܸܕܠܝܼ؛ ܐܸܠܵܐ ܐܸܢ ܠܩܪܝܼܣܦܘܿܣ ܘܠܓܵܐܝܘܿܣ؛ 15ܕܐَܢܵܫܵܐ ܠܵܐ ܐܵܡܸܪ؛ ܕܒܫܸܡܵܐ ܕܓܵܢܝܼ ܡܘܼܥܡܸܕܠܝܼ. 16ܘܡܘܼܥܡܸܕܠܝܼ ܐܘܼܦ ܠܒܲܝܬܹܗ ܕܐܸܣܛܲܦܵܢܲܐ. ܡܸܢَܕܪܸܫَ ܠܹܐ ܝܘܸܢ ܒܝܼܕܲܥܝܵܐ ܐܸܢ ܠܐَܢܵܫܵܐ ܐَܚܹܪَܢܵܐ ܡܘܼܥܡܸܕܠܝܼ. 17ܣܵܒܵܒ ܠܵܐ ܫܘܼܕܪܸܢܹܗ ܡܫܝܼܚܵܐ ܠܡܲܥܡܘܼܕܹܐ؛ ܐܸܠܵܐ ܠܡܲܫܚܘܼܕܹܐ؛ ܠܵܐ ܒܥܵܩܸܠܕܵܪܘܼܬܵܐ ܕܗܹܡܸܙܡܵܢܹ̈ܐ؛ ܕܠܵܐ ܦܵܝܸܫ ܒܛܝܼܠܵܐ ܙܩܝܼܦܹܗ ܕܡܫܝܼܚܵܐ. 18ܣܵܒܵܒ ܗܹܡܸܙܡܵܢ ܕܙܩܝܼܦܵܐ ܠܐܵܢܝܼ ܕܝܼܢܵܐ ܒܸܬܠܵܩܵܐ ܐܲܗܡܲܩܘܼܬܵܐ ܝَܠܵܗ̇؛ ܐܝܼܢܵܐ ܐܸܠܲܢ ܕܝܼܘܵܚ ܒܸܚܵܝܵܐ ܚܲܝܠܵܐ ܕܐܲܠܵܗܵܐ ܝَܠܵܗ̇. 19ܣܵܒܵܒ ܕܟܬܝܼܒܼܵܐ ܝܠܹܗ؛ ܒܸܬ ܬܵܠܩܸܢ ܥܵܩܸܠܕܵܪܘܼܬܵܐ ܕܥܵܩܸܠܕܵܪܹ̈ܐ؛ ܘܒܸܬ ܒܵܛܠܸܢ ܦܲܪܡܵܝܬܵܐ ܕܦܲܪ̈ܡܝܼܵܢܹܐ. 20ܐܲܝܟܵܐ ܝܠܹܗ ܥܵܩܸܠܕܵܕ؛ ܐܲܝܟܵܐ ܝܠܹܗ ܣܵܦܪܵܐ؛ ܐܲܝܟܵܐ ܝܠܹܗ ܕܵܪܫܵܢܵܐ ܕܐܵܗܵܐ ܥܵܠܡܵܐ؛ ܗܵܐ؛ ܐܲܠܵܗܵܐ ܠܵܐ ܥܒܼܝܼܕܵܐ ܝܠܹܗ ܢܲܙܢܘܼܬܵܐ ܥܵܩܸܠܕܵܪܘܼܬܵܐ ܕܐܵܗܵܐ ܥܵܠܡܵܐ؛ 21ܣܵܒܵܒ ܕܟܲܕ ܒܥܵܩܸܠܕܵܪܘܼܬܵܐ ܠܵܐ ܝܕܸܥܠܹܗ ܠܐܲܠܵܗܵܐ؛ ܒܣܸܡܠܵܐ ܠܹܗ ܐܲܠܵܗܵܐ ܕܒܢܲܙܢܘܼܬܵܐ ܕܡܲܟܪܲܙܬܵܐ ܡܲܚܹܐ ܠܐܵܢܝܼ ܕܗܲܡܸܢܝܼ. 22ܣܵܒܵܒ ܝܗَܘܼܕܵܝܹ̈ܐ ܢܝܼܫܲܢܩܹ̈ܐ ܟܹܐ ܛܵܠܒܝܼ؛ ܘܝܵܘܢܵܝܹ̈ܐ ܠܥܵܩܸܠܕܵܪܘܼܬܵܐ ܟܹܐ ܛܵܥܝܼ. 23ܐܝܼܢܵܐ ܐܲܚܢܲܢ ܟܹܐ ܡܲܟܪܸܙܲܚ ܡܫܝܼܚܵܐ ܡܸܚܝܵܐ ܠܙܩܝܼܦܵܐ؛ ܬܘܼܪܩܵܠܵܐ ܠܝܗَܘܼܕܵܝܹ̈ܐ؛ ܘܠܝܵܘܢܵܝܹ̈ܐ ܢܲܙܵܢܘܼܬܵܐ؛ 24ܐܝܼܢܵܐ ܠܐܵܢܝܼ ܕܝܼܢܵܐ ܩܸܪܝܹܐ؛ ܝܗَܘܼܕܵܝܹ̈ܐ ܘܝܵܘܢܵܝܹ̈ܐ؛ ܡܫܝܼܚܵܐ ܚܲܝܠܵܐ ܕܐܲܠܵܗܵܐ ܘܥܵܩܸܠܕܵܪܘܼܬܹܗ ܕܐܲܠܵܗܵܐ. 25ܣܵܒܵܒ ܢܲܙܵܢܘܼܬܹܗ ܕܐܲܠܵܗܵܐ ܥܵܩܸܠܕܵܪ ܝܼܠܵܗ̇ ܡ̣ܢ ܒܢܲܝ̈ܢܵܫܵܐ؛ ܘܙܲܒܘܼܢܘܼܬܹܗ ܕܐܲܠܵܗܵܐ ܚܲܝܠܵܢܬܵܐ ܝَܠܵܗ̇ ܡ̣ܢ ܒܢܲܝ̈ܢܵܫܵܐ. 26ܣܵܒܵܒ ܚܙܹܐܡܘܿܢ ܩܪܵܝܬܵܘܟܼܘܿܢ؛ ܐܵܚܘܿܢܘܵܬܝܼ̈؛ ܕܠܵܐ ܪܵܒܵܐ ܥܵܩܸܠܕܵܪܹ̈ܐ ܒܒܸܣܪܵܐ؛ ܘܠܵܐ ܪܵܒܵܐ ܚܲܝܠܵܢܹ̈ܐ؛ ܘܠܵܐ ܪܵܒܵܐ ܡܲܥܩܘܼܠܹ̈ܐ؛ 27ܐܸܠܵܐ ܐܲܠܵܗܵܐ ܓܘܼܒܹܐ ܠܹܗ ܠܢܲܙܵܢܹ̈ܐ ܕܥܵܠܡܵܐ ܕܡܲܢܚܸܦ ܠܚܲܝܠܵܢܹ̈ܐ؛ 28ܘܐܲܠܵܗܵܐ ܓܘܼܒܹܐ ܠܹܗ ܠܐܵܢܝܼ ܕܐܘܼܓ̰ܵܓܼܵܝܗܝ ܒܵܨܘܿܪܬܵܐ ܝَܠܵܗ̇ ܒܥܵܠܡܵܐ؛ ܘܠܡܘܼܣ̈ܠܝܹܐ؛ ܘܠܐܵܢܝܼ ܕܠܹܐ ܝܢܵܐ؛ ܕܒܵܛܸܠ ܠܐܵܢܝܼ ܕܝܼܢܵܐ؛ 29ܕܟ̰ܘܼ ܒܸܣܪܵܐ ܠܵܐ ܥܵܒܸܕ ܫܘܼܒܼܗܵܪܵܐ ܩܵܕَܡ ܐܲܠܵܗܵܐ. 30ܐܝܼܢܵܐ ܐܲܚܬܘܿܢ ܡܸܢܹܗ ܝܬܘܿܢ ܒܝܼܫܘܿܥ ܡܫܝܼܚܵܐ؛ ܗ̇ܘ ܕܗَܘܹܐ ܠܹܗ ܐܸܠܲܢ ܥܵܩܸܠܕܵܪܘܼܬܵܐ ܡ̣ܢ ܐܲܠܵܗܵܐ؛ ܘܙܲܕܝܼܩܘܪܬܵܐ؛ ܘܩܲܕܝܼܫܘܼܬܵܐ؛ ܘܦܘܼܪܩܵܢܵܐ؛ 31ܗܲܕܟܼܵܐ؛ ܐܲܝܟܼ ܕܝܼܠܹܗ ܟܬܝܼܒܼܵܐ ܕܗ̇ܘ ܕܥܵܒܸܕ ܫܘܼܒܼܗܵܪܵܐ؛ ܒܡܵܪܝܵܐ ܥܵܒܸܕ ܫܘܼܒܼܗܵܪܵܐ.